Centro de Interpretación da Natureza Terras do Miño
Está integrado por un conxunto de casa e muíño, do século XIX. Nel combínanse modernas tecnoloxías con elementos etnográficos para ofrecer unha complenta información sobre a Reserva da Biosfera Terras do Miño, especialmente sobre o río Miño e os ecosistemas fluviais. Funciona coma centro de recepción de visitantes e oficina de información, e oferta actividades de educación ambiental e visitas guiadas. Divídese en catro salas:
- Do río: Exponse un batuxo, embarcación emrpegada polos nosos antepasados para cruzar o río.
- Do vídeo: Aquí explícanse as artes de pesca que se utilizaban na antigüidade, e coméntanse poemas relacionados co río.
- Do bosque: Represéntanse a carbón numerosos animais autóctonos, e a través dunha faz de luz, pódense escoitar os seus característicos sons.
- Do rato: O visitante pode navegar pola rede.
Obxectivos do centro
O Centro de Intepretación Terras do Miño pesegue os seguintes obxectivos:
- Potenciar o coñecemento por parte dos visitantes, turistas e poboación local do contorno do río Miño e demais recursos naturais da zona.
- Dar a coñecer a riqueza natural, tanto de flora e de fauna, así como a beleza paisaxística do ámbito territorial da Reserva da Biosfera Terras do Miño, integrada por 26 municipios da provincia de Lugo.
- Incrementar os niveis de educación ambiantal dos visitantes, a través da concienciación, con respecto á crecente importancia de efectuar un labor de conservación dos ecosistemas, especies, recursos cinexéticos e paisaxes.
- Dar a coñecer as principais pautas nas que se basea o desenvolvemento sostible.
- Constituír un importante atractivo turístico, complementario ó río e á Reserva da Biosfera, encamiñado a acadar unha maior afluencia de visitantes ó territorio.
Situación
O Centro de Interpretación Terras do Miño, atópase situado ó pé da cidade de Lugo, na parroquia de San Fiz de Muxa, no lugar denominado Río Fervedoira.