No extremo oriental do interior da provincia de Lugo, no límite con Asturias, está o concello de Negueira de Muñiz.
O concello de Negueira de Muñiz está delimitado dalgunha forma polas montañas "Pedras Apañadas" e "Busbeirón"; situado a 43° 07 10" de latitude norte e 3° 12 20" de lonxitude oeste. Limita ao norte e ao noroeste co municipio de Grandas de Salime (Asturias), polo oeste co termo da Fonsagrada, e ao sur e ao leste cos concellos asturianos de San Antolín de Ibias e Pola de Allande.
A superficie do termo municipal segundo o nomenclátor provincial é de 69,2 Km2.
A xeografía do concello carecterízase por ser accidentada e montañosa. A maior elevación desta zona é a do monte Busbeirón con 1.283 metros de altitude.
O río Navia, encaixado polas montañas, discorre por estas terras.
¿Como chegar? Indo pola estrada C-630 ata preto da fronteira con Asturias seguiremos unha estrada secundaria que nos levará ata este concello.